ГРАДОНАЧАЛНИКОТ НА ДОЈРАН АНГОВ: Тетка Емилија е горда што нејзиното срце се уште чука

admin22

Телото на 43-годишната Емилија Динева од Стар Дојран, која ќе биде запишана во историјата на македонското здравство како прв донор на срце, попладнево беше предадено на нејзините најблиски во родното место.

Семејството Диневи се соседи на градоначалникот Анго Ангов, кој го изрази своето жалење за загубата, на како што кажа, тетка Емилија, но и гордост што токму неговите соседи покажаа големо срце и одлучија да ги донираат органите на својата сопруга и мајка.

„Тетка Емилија сигурно се гордее што нејзиното срце чука и понатаму. Таа беше скромна и тивка личност. На мравка не нагазнуваше.

Впрочем, такви се цело семејство. Знам дека вчера сопругот, синот и ќерката од која имаат и внуче, заеднички донесоа одлука да ги донират органите на тетка Емилија за да помогнат некому, што е одлука за секоја почит“, ни кажа Ангов.

Емилија Динева потекнува од Јосифово кај Валандово. Работеше во ресторанот „Боеми“ во Дојран. Важела за скромна личност која никогаш не го подигнала тонот со никого. Минатата недела имала тежок пад возејќи мопед и неколку денови беше во кома на скопските клиники.

Loading...

Откако била прогласена мозочна смрт, нејзиниот сопруг, ќерка и син одлучија да ги донираат органите и со тоа овозможија во Македонија да се направи првата трансплантација на срце.

loading...
Loading...
Next Post

БИДЕТЕ ВНИМАТЕЛНИ: Овие 4 хороскопски знаци изгледаат како добри луѓе, но не се!

Веројатно не ви се случува често некој да ве изненади со некоја постапка на која што не сте се надевале. Вие мислевте дека тој е „душа човек“, блага и нежна личност, но токму тогаш ви го задава најлошиот удар. Има и обратни ситуации, кога некој ви изгледа опасно, а ќе […]