СЕ САМОУБИЛ ШТИПЈАНЕЦ: Во неговата проштална порака напишал работи поврзани со КОВИД-19

admin22
loading...

Едно убиство и четири самоубиства бележи билтенот на полицијата откако почнаа рестриктивните мерки во државава поради коронавирусот.

Еден случај од самоубиствата кој е регистриран во Штип е поврзан со КОВИД-19. Лицето како причина за самоубиството во последната порака ја посочило расправијата со сопругата околу коронавирусот.

Во истиот период регистрирани се и девет обиди за самоубиство за кои досега не е утврдено дека се поврзани со вирусот.

Loading...

Според статистиката на МВР во однос на семејното насилство, од 12 март до 12 април регистрирани се 79 кривични дела сторени при семејно насилство, што претставува намалување за 28 отсто во однос на претходниот период, кога биле регистрирани 109 кривични дела.

Во делот на прекршоците регистрирани се 32 прекршоци што претставува намалување за 33 отсто во однос на истиот период од претходната година. Од прекршоците, најголемиот дел или 55 отсто се регистрирани на подрачје на СВР Скопје, потоа во СВР Штип 16,6 отсто и СВР Куманово 10,8 отсто, додека во СВР Битола, СВР Велес и СВР Струмица не е регистриран ниту еден прекршок.

Во делот на поплаките поднесени од лица против членови на нивното семејство, МВР бележи зголемување од 32 отсто, односно поднесени се вкупно 310 поплаки. Најголем број од поплаките се регистрирани на подрачје на СВР Битола 66, потоа на СВР Штип и СВР Велес 51. Зголемување за 84,6 отсто на поплаките е забележано на подрачјето на СВР Скопје, потоа 59,4 отсто на на подрачје на СВР Велес и 27 отсто на подрачјето на СВР Битола.

Пандемијата го промени начинот на функционирање, односно повеќето луѓе работат од дома, користат разни платформи, работат онлајн, одржуваат видео – состаноци, значително се зголеми е-трговијата и е-плаќањето, со што се зголемија ризиците за безбедноста и заштитата на личните податоци на корисниците, податоците од нивните платежни картички и банкарски сметки.

„Ваквите состојби резултираа со злоупотреба на податоци од платежни картички на наши државјани, за што се пристигнати две пријави, чии податоци им се злоупотребени на онлајн трансакции на македонски и странски интернет страни“, информираат за МИА од МВР.

Во првиот месец од пандемијата, Скопје, Битола и Штип предничат во кривичните дела од имотниот криминал каде од 515 тешки кражби, во овие три града извршени се околу 400.

Во земјава во анализираниот месец на пандемијата, регистрирани се 2.194 кривични дела, а стапката на вкупниот криминалитет изнесува 105,5 на 100.000 жители. Најголем дел, односно 47 проценти од вкупниот криминал е поврзан со актуелната состојба и мерките кои се преземаат за спречување на Ковид-19, при што по овој основ се регистрирани вкупно 1.039 кривични дела.

Доколку од анализата ги исклучиме овие кривични дела, евидентно е дека стапката на останатиот криминал изнесува 55,6 на 100.000 жители.

Loading...
Next Post

Денес се празнуваат: Светиот свештеномаченик Јануариј и другите со него и Светиот маченик Теодор и другите со него

Според календарот на МПЦ (Јулијанскиот календар) денеска е 21 април. Денеска е Св. свештеномаченик Јануариј и други. Историската сцена на која се појавува овој свештеник и маченик е Римската империја и времето на владеењето на Диоклецијан. Во тоа време Јануариј бил епископ во Италија, во Кампања. Јануариј бил изведен на […]