Спасен Силјаноски: Не можам да се изначудам кога ќе дојде 16 годишно дете и ќе ја побара “жена од султана”…

admin22
loading...

Македонскиот фолк пејач Спасен Силјановски и покрај тоа што е извонреден пејач, тој е познат и како композитор.

Спасен зад себе имаше навистина бурна година. Вирусот Ковид 19 не ги одмина македонските музички ѕвезди, а некои од нив за жал и ја изгубија битката. Спасен е доста активен на социјалните мрежи, каде често споделува фотографии од своето семејство и од работите кои ги прави во слободно време.

Мора да се признае дека пејачо умее да биде и доста романтичен, а тоа се гледа од фотографиите кои ги објавува од неговта сопруг која е вистинска убавица. За неа секогаш пишува емотивни пораки. Спасен и Ана пред седум години се заколнаа пред Бога на вечна љубов во манастирот Света Богородица Пречиста, а на свадбата пееја колегите на Спасен – Дарко Стојаноски, Орце Стефкоски, Благица Калева и групата „Модус“.

Тој по новите мерки и укинувањето на забраната за свадби и музика во живо се огласи со фејсбук статус.

“Со ослободувањето на мерките фала му на Бога наеднаш почнаа да се јавуваат огромен број на клиенти кои сакаат мене и мојот бенд да ни ја дадат довербата за да се погрижиме за нивната веселба ( најголем дел свадби и крштевки) и премногу сум им благодарен за тоа.

Но пред да прашаат дали сме слободни за нивниот термин и која е цената со која настапуваме, за жал поставуваат едно друго прашање кое јас никако низ годиниве неможам да го разберам. А тоа е : ДАЛИ ПЕЕТЕ СРБСКА МУЗИКА?

Одеднаш си помислувам дека сигурно некој се јавува од Србија штом бара Србска музика. Но зарем таму малку ли ги има пејачи кои одлично си ја пејат нивната музика.🤔 Значи погрешно сум мислел, не се од таму.

Второ што се прашувам е зошто на луѓето кои ќе прават веселба им е приоритет пред се да изнајмат музика која што МОРА во нивниот репертоар да има Србски мелос, и тоа го бараат во најголем дел од веселбата( има региони во Мк каде што на свадбите се пее дури 70-80 % Странска музика), а при тоа имаме неисцрпливо богатство на наша Македонска музика, како народна така и новокомпонирана музика на која цел свет ни завидува и ни ја присвојува.

Ок да не бидам премногу метафоричен ке бидам малку директен и искрен. Јас како музичар, инструменталист, вокален изведувач и кантавтор АПСОЛУТНО немам против никаков вид ниту жанрн на музика. Јас покрај нашата Македонската сум израснат слушајќи буквално секаков вид на музика, И Србска, Босанска, Бугарска, Албанска, Романска, Ерменска, Ирска… И тн…..

Значи се што претставува уметност од музика јас бесценето го почитувам без разлика на која држава, нација или култура припаѓа. Нема да бидам скромен и сам ќе се пофалам дека и јас можам да интерпретирам странска музика и тоа подобро од 95% пејачи од нашата естрада кои што не знаат ниту една Мк песна, пејат и објавуваат во најголем дел Србска музика, и со тоа се прават “поголеми католици од папата”.

Но сепак она што најмногу го сакам и уживам во тоа е нашата Македонска музика. Како можеме да дозволиме нешто туѓо да доминира на нашите веселби. Како можам да ве сакам повеќе вас од моето семејство???… Парадокс…

Знаете… Јас немам ништо против да дојде човек на свадба, човек кој служел војник во ЈНА, или можеби работел 15 години како конобар во Хотел Москва на Кнез Михајлова и да порача песна од неговото време, песна која ке го потсети на неговата младост, носталгија…

Со задоволство би му ја исполниле. Но чудно ми е кога ќе дојде 16 годишно дете и ќе ја побара “жена од султана”… Најголем шунт од музика…. А тоа дете ниту разбира Србски, ниту ја разбира песната, туку едноставно му е наметната од таа пропаганда на националните тв кој по цел ден емитуваат де пинкови звезде, де звезде гранда и тн И наметната од тие така наречени “балкански вечери” на кои сите гости се Македонци, оркестарот Македонци, Менаџерот Македонец, а цела вечер се пее исклучиво балканска музика, значи се друго освен Македонско…..

Морам да признам и друга вистина, а тоа е дека во Мк нема продукција како во нашите соседни држави, искрено далеку сме од нив во тој контекст но тоа незначи дека треба да ја игнорираме нашата музика. Напротив треба да се дејствува и да се превземе нешто околу афирмацијата и продукцијата на Мк музика.

Да не должам многу и не сакам да бидам погрешно разбран. Со почит кон сите соседни музичари, сите наши музичари во кој сум сигурен дека има голем потенцијал, но дајте да бидеме свои на своето, дајте кога ке правиме Македонска свадба таа нека биде Македонска.

Немам апсолутно против да се испее по малку од се друго, но имам против да се испее малку Македонско, а останатото да биде се друго.

Ви благодарам”.

Loading...
Next Post

Исплови слика од Лепа Брена кога била средношколка (ФОТО)

Лепа Брена е една од најпопуларните и најдобрите пејачки на овие простори. Таа ретко знае во јавност да го пофали својот сопруг Боба, но кога ќе го пофали, тоа е со многу убав опис. – Тој е една многу комплексна личност. Тој ги научи нашите деца дека ако сакаат да […]